شهادة وفاة موقعك ب20$ فقط ولفترة محدودة

0

لما تشتري 1000 Backlinks ب 20 أو 30$
أنت كدا بتشتري شهادة وفاة موقعك،
ويبقا قابلني لو عرفت ترجعه تاني….

أو على الأقل الموضوع هيكون صعب ومرهق وهياخد وقت كتير عشان تتخلص من تأثير اللينكات دي.
الناس تقريباً نسيت الغاية أو الهدف من ال Backlinks
( بما فيهم إللي بيطلقو على نفسهم متخصصين SEO )
وأصبح ال Backlinks بيتباع بالكيلو زي الطماطم كدا ….😆
انتم كدا بتدمرو مواقعكم للأسف.

الغاية أو الهدف من ال Backlinks

شهادة وفاة موقعك ب20$ فقط

بقينا محتاجين نعرف هو ال Backlinks دا عبارة عن إيه اصلاً من البداية.؟

ال Backlinks دا ياسيدي عبارة عن واسطة،
اعتبر إن فيه شخصيين بيقدمو على وظيفة،
والشخصين بنفس المؤهلات والخبرات تقريباً،
بس فيه شخص فيهم جاي من طرف واسطة كويسة.
مين هيكون له الأولوية إنه يتقبل في الوظيفة ؟
أكيد إللي جاي من طرف الواسطة صح ؟
صح طبعاً، لإنه بنفس المؤهلات ومعاه واسطة كمان، يعني الراجل مش معيوب.
تمام ؟

طيب أنت ينفع تجيب أي حد من الشارع يتوسط لك ؟
ولا بتختار واسطة كويسة فعلاً ؟
أكيد بتختار واسطة كويسة.

نفس الكلام في ال Backlinks
ركز على الجودة ثم الجودة ثم الجودة،
العدد مش مهم المهم الجودة….
الموضوع مش بالعدد نهائي،
فيه مواقع واخدة ملايين ال Backlinks
وعدد زوارها لا يذكر،
ومواقع تانية واخدة 100 Backlinks وزوارها بمئات الآلاف.
طيب لو قدرت تعمل عدد مع جودة عالية…. خير وبركة.

ال Backlinks دا عبارة عن إيه

مواصفات الروابط الخلفية

هوضح لك مواصفات الروابط الخلفية اللي تؤدي الغرض وتستفاد منها بالفعل في خطوات بسيطة.

 

  • أولاً ماينفعش نتكلم في باكلينك وأنت عندك ال On Page ضعيف ومحتوى موقعك عديم القيمة،
    لآزم تعمل محتوى ذو قيمة بالفعل قبل ما تفكر أصلاً في ال Backlinks.
    تمام ؟

 

  • لاااااااازم ال Backlinks يكون بطريقة طبيعية….
    يعني بلاش تظهر لجوجل إنك أنت اللي بتعمله.
    تمام ؟

 

  • أعمل ال Backlinks بأعداد منطقية،
    يعني ماتجيش يكون عندك موقع تعبان ومحتوى ضعيف وتعمل 1000 في أسبوع،
    هل فيه 1000 موقع شافو محتواك وعجبهم وعملو لك Backlinks. ؟
    بالله عليك ينفع ؟

 

  • تدفق ال Backlinks يفضل إنها تكون بمعدل ثابت أو متزايد تدريجياً.
    يعني لو هدفك 500 Backlinks عالي الجودة خلال سنة مثلاً
    بلاش تيجي في شهر واحد وتعمل ال 500 وتقعد طول السنة بقا 😆
    ماينفعش
    أبدأ تدريجياً أول أو ثاني شهر 3 لينكات وثالث شهر 6 لينكات ورابع شهر 10 أو 15…. وهكذا.

 

  • حاول قدر الإمكان تاخد Backlinks من مواقع لها صلة بمجالك،
    عامل ال Relevancy مهم جداً،
    والحقيقة صعب إن كل اللينكات يتحقق فيها شرط ال Relevancy بس حاااااااول.

 

  • باكلينك من موقع جيد يجي لك من خلاله زيارات فعلية، أفضل من 100 Backlinks مابيجيش من خلاله زيارات.

 

  • لما تشتري جيست بوست ماتحطش لينكات كتير في المقال،لينك واحد فقط كفايا، وحط لينكات مصادر تانية زي ويكيبيديا مثلاً.
    بس ما تحطش المنافسين ولا تعمل ال Anchor Text للمصادر التانية على كلمات أنت مستهدفها.
    الناس بتوع 3 و 4 لينكان في الجيست بوست ربنا يتولاهم. 😆

 

  • مؤخراً اكتشفت إن فيه ناس كتير فاهمة إن أرشفة ال Backlink يعني إنه يظهر في Ahrefs أو MOZ
    الناس دي ربنا يتولاهم برضو. 😆
    الأرشفة يعني GSC غير كدا أنت بتضحك على نفسك،
    ولما تطبق الخطوات المذكورة في البوست دا إن شاء الله هتضمن أرشفة أكبر قدر ممكن من اللينكات في GSC.

 

  • نصيحة أبتعد عن أي أساليب لها علاقة PBN لو مالكش فيها عشان خطأ بسيط هيبوظ لك الدنيا.

 

  • لو أنت مستهدف كلمة معينة ما تعملش كل ال Anchor Text على نفس الكلمة،
    حاول تكون بشكل طبيعي.
    يعني مثلاً
    30% Anchor Text للكلمة المستهدفة
    50% Anchor Text لكلمات مرتبطة بالكلمة المستهدفة
    ممكن تستخدم الكلمات اللي بتظهر في GSC
    20% Anchor Text لكلمات Branding
    النسب دي مش قانون، ممكن تزود أو تقلل فيهم،
    الفكرة كلها إنك تظهر بشكل طبيعي زي ما وضحت سابقاً.

 

 

 

اترك رد

لن يتم نشر عنوان بريدك الإلكتروني.