قواعد اللعبة بتتغير بعد ما أعلن CEO جوجل من يومين بشكل رسمي عن تطوير منافس لChatGPT
المنافس الجديد الخاص بجوجل إسمه Bard
1/ In 2021, we shared next-gen language + conversation capabilities powered by our Language Model for Dialogue Applications (LaMDA). Coming soon: Bard, a new experimental conversational #GoogleAI service powered by LaMDA. https://t.co/cYo6iYdmQ1
— Sundar Pichai (@sundarpichai) February 6, 2023
طبعاً الموضوع دا له تأثيرات سلبية وإيجابية وهحاول أوضحها من وجهة نظري.
من حيث الإيجابيات، ال AI تطور بشكل كبير جدا وكل يوم البحث عن المعلومة بيكون أسهل.
من حيث السلبيات بقا فهي كتير، هذكر أهمها:
1- بعد تطوير Bard ودمجه في محرك بحث Google من المتوقع أن تنخفض أعداد الزيارات بشكل كبير جداً، خاصة للمواقع ال Informational
لإن بكل بساطة ال User هياخد المعلومة بشمل كافي وغالباً مش هيحتاج يدخل موقعك.
2- فيه تغيرات كتير هتحصل لا يمكننا التنبؤ بها لدرجة إن جون مولر كتب على تويتر من حوالي ساعة “Will SEO be dead in 2 years?”
3- شيئ سلبي مش مهم أوي بالنسبة لمتخصصين الSEO ولكنه يحتاج تأمل، متخيل إن ال AI أصبح حاليا قادر على تشكيل وعي وأفكار البشر ؟
على سبيل المثال:
ال AI حالياً قادر على كتابة مقالات، وعمل مقارنات بين الأشياء، ومواضيع معقدة…. وغيره.
تخيل إنك حالياً ممكن تعمل سيرش في جوجل عن سؤآل أو موضوع مُعين،
والموضوع دا بالكامل يكون مكتوب من خلال Artificial intelligence
الكلام دا يعني حضرتك كإنسان، حالياً بتاخد معلوماتك من إنسان آلي…
ودا يعني برضو إن الإنسان الآلي دا أصبح متفوق عليك في جوانب كتير مختلفة.
ودا يعني إن ال AI أصبح منافس ليك في كذا شيء،
منافسة حقيقية مش كلام حواديت.
نصيحة:
لو عندك ويبسايت وبتعتمد على Google adSense كمصدر دخل أساسي،
أو بتفكر تعمل ويبسايت يعتمد على Google adSense،
عيد حساباتك وخد خطوة من دلوقت.
قد يهمك أيضا:
